جامعة إسلامية

أشاعوا وقالوا جامعة إسلامية

التدريس فيها مية بالمية

والترتيب والنظام،فصار إلها شعبية

بين الأهالي المستغفلين من الجالية الباكستانية

بناتهم مثل الورود الجورية

نفوهم بزاوية من هالكرة الأرضية

دخلوها بقلوب نقية

تيدرسوا ويتفقهوا ويصيروا أخيار البرية

وما عرفوا أنه هالجامعة الأبية

بتعمل بالخفاء وبكل سرية

 مخططاتها وأهدافها كلها دنيوية

أما النواحي الأخلاقية

ماهي عندهم الا أمور رمزية

والداخل عليها بيتعرف بروية

   وبيكتشف حقيقتها المخزية

بيعرف انها ما بتصون العهود وما بهمها كل هالقضية

بتكذب، بتسرق لأغراضها الدنية

معلماتها بتعاملهم بقسوة وبعبودية

بتذلهم وبتسرق تعبهم بطرق خيالية

ومهما كانت المعلمة ذكية وقوية

وبتفكر نفسها أعلى من التسلط ولها كل الحرية

بأقل من سنة معهم بتصير شقية

والمديرة بتستعمل مع البعض ألفاظها السوقية

بتظنها جايي من الأدغال مع انها أردنية

وكل هيدا وشعارهم أخلاقنا السمية

والورود اللي دخلت لعندهم براعم وحيية

بتطلع بعد سنوات بمشاكل نفسية

وبأخلاق واطية وبهمم محنية

آه وألف آه على هيك جامعة إسلامية